Педагогикалық практикаға дайындық: семинар-тренинг қорытындысы

14 Қаңтар 2025, 12:12

Медиа Орталық

2025 жылдың 20 қаңтарынан бастап, 1, 2 және 4 курс студенттері арасында педагогикалық практика басталады. Бұл студенттердің теориялық білімдерін тәжірибемен ұштастыруына бағытталған маңызды кезең.

Оқу жылының көктемгі семестрінде кәсіби практикалардың төмендегідей түрлері ұйымдастырылады:

1 курс: Оқу практикасы

2 курс: Психологиялық-педагогикалық практика

4 курс: Педагогикалық практика

және өндірістік практика.

Практикаға дайындық аясында практика жетекшілеріне арналған семинар-тренинг өткізілді. Семинардың басты мақсаты:

— Педагогикалық практика түрлерінің ерекшеліктерін талдау.

— Практика бағдарламасының мазмұнын нақтылау.

— Практика жетекшілерінің қызметтерін талқылау.

Тренинг барысында жетекшілерге студенттердің кәсіби дағдыларын дамытуға бағытталған практика тапсырмаларының мазмұны ұсынылып, тәжірибе алмасу өтті. Семинар-тренинг барысында практика жетекшілері flinga.fi платформасында практиканы тиімді ұйымдастыру үшін ұсыныстарымен бөлісті.

Бұл іс-шара болашақ педагогтардың сапалы дайындығын қамтамасыз етуге мүмкіндік береді.