Zhanibekov University Халықаралық ынтымақтастықты кеңейту және білім беру сапасын арттыру мақсатында университетімізге Чехия Республикасындағы Оломоуц университетінің профессоры, IT саласының маманы Петр Шалоун (Petr Šaloun) келді.

Шетелдік ғалымды университет Басқарма төрағасы-ректор міндетін атқарушы Әлібек Нұртаев қабылдады. «Сіздің келуіңіз университетіміздің даму стратегиясына сәйкес, білім мен ғылымды ілгерілету мақсатында бірлескен жобалар мен серіктестіктерді дамытуға жаңа мүмкіндіктер ашады деп сенеміз. Чехиядағы академиялық ортадағы мол тәжірибеңіз бен жетістіктеріңіз бізге үлкен қызығушылық тудырады» деді Әлібек Нұрбайұлы.

Профессор Петр Шалоун визитинг профессор бағдарламасы аясында Информатика кафедрасында білім алушылар мен докторанттарға дәріс оқуда. Оқу үдерісінде ол бағдарламалау, заманауи ақпараттық жүйелер және ғылыми-зерттеу әдістері бойынша өз тәжірибесімен бөлісіп, жаңа білім беру тәсілдерін ұсынуда.

Пәндер бағдарламасы IT саласындағы заманауи талаптарға сай жасақталған;

Бағдарламалау тілдері мен алгоритмдер, жүйелік талдау және деректер құрылымдары сынды бағыттарды қамтиды;

Докторанттармен ғылыми бағыттағы жеке консультациялар өткізіледі.

Профессордың келуі білім алушылар мен жас зерттеушілер үшін шетелдік жоғары оқу орындарының тәжірибесімен танысуға және кәсіби көкжиегін кеңейтуге мүмкіндік береді.