Қытайдың Хэнань педагогикалық университетінде «Бір белдеу, бір жол» халықаралық бағдарламасы аясында ғылыми-тәжірибелік конференция өтті. Қазақстан, Қытай, Ресей елдері ынтымақтастығы аясында өткен ауқымды шараға Өзбекәлі Жәнібеков атындағы ОҚПУ филoлогия ғылымдарының докторы, профессор Наталья Дмитрюк қатысты.
Халықаралық жиында түрлі оқу орындары өкілдері ғылыми әріптестік аясындағы келісімге қол қойды. Үш күнге жалғасқан конференцияда Синьсяңь, Челябі, Шымкент қалаларының ғалымдары мен оқытушылары қатысқан секциялық мәжілістер өтті. Мәжілісте мәдениетаралық күрделі мәселелер, шет тілін оқытудағы жаңа әдіс-тәсілдер, аударма ісіндегі қиындықтар талқыланды.
Үш елдің түрлі қалаларынан 200-ге жуық адам қатысқан конференция барысында студенттер мен магистранттармен кездесулер болды. Білімгерлер әр елдің білім беру жүйесіндегі ерекшеліктер туралы пікір таластырды. Ал ресми кездесу барысында үшжақты келісім құжаттары рәсімделді.