Zhanibekov University, Өнер және білім факультеті Мектепке дейінгі тәрбиелеу мен оқыту педагогикасы кафедрасының ұйымдастыруымен «Мектепке дейінгі білім берудегі STEM технологиясы» тақырыбында ғылыми-әдістемелік семинар өткізілді.
Семинар барысында қазіргі заманғы білім беру жүйесі балаға тек білім беріп қана қоймай, оны шығармашылыққа, логикалық ойлауға, топпен жұмыс істеуге, ғылым мен технологияға қызығушылықпен қарауға үйрету қажеттілігі айтылды. Осыған лайық STEAM технологиясы – ғылым (Science), технология (Technology), инженерия (Engineering), өнер (Art), математика (Mathematics) салаларын біріктіретін оқыту жүйесі екені аталып, балаларда зерттеу дағдыларын қалыптастыру, шығармашылық ойлау мен шешім қабылдау қабілетін арттыру, интеграцияланған пәндер арқылы өмірмен байланысты білім беру, баланың жеке қызығушылығын анықтау және қолдаудағы ерекшеліктер айтылды.
Семинар қорытындысында 1-курс магистранты Арыстанбек Айдана STEAM технологиясы бойынша зерттеу жұмыстарында қолданылатын әдістеріне, ойын технологияларына талдау жасап, болашақта балалардың шығармашылық дағдысын дамыту бойынша ойын түрлерін қолдану әдістеріне толықтырулар енгізіп әдістемелік құсқаулық жасауды ұсынды.