Университетіміздің Академиялық істер департаментінің қолдауымен Coursera халықаралық білім беру платформасының Қазақстандағы ресми және эксклюзивті серіктесі — BMG UpSkill компаниясының 8 қыркүйектегі мәліметі бойынша университетіміз Coursera жобасын іске асырудың негізгі көрсеткіштері жөнінен еліміздің жоғары оқу орындары арасында үздік нәтижелерге қол жеткізді. Жобаға Қазақстанның 100 жоғары оқу орны қатысуда.

Нәтижесінде Өзбекәлі Жәнібеков атындағы ОҚПУ студенттерді Coursera платформасына қосу деңгейі бойынша ТОП-10, 248,33% көрсеткішпен – 4-орыннан көрінді. Ал, кемінде бір курсты аяқтаған студенттердің үлесі бойынша ТОП-10: 202,67% көрсеткішпен – 5-орын.

Бұл жетістік – университетімізде цифрлық білім беру мүмкіндіктерінің тиімді пайдаланылып, білім алушылардың қосымша білім алуға және кәсіби құзыреттерін дамытуға белсенді қатысып отырғанының айқын көрінісі. Алдағы уақытта да сапалы білім мен үздіксіз дамуға бағытталған жұмыстар жалғасын таппақ. Осы нәтижеге үлес қосқан білім алушыларымыз бен оқытушыларымызға алғыс білдіреміз!